di
Catello Nastro
Finarmente è asciuto 'o sole,
era quase 'na summana
ca' pareva 'na jumara,
'a strada sott'à casa mia,
5 e si vuardave d'ò balcone
pareva propete n'alluvione.
'E nuvole d'o cielo so' scumparse,
'e palumme song’asciute
'a rint'è pertose
10 cu' 'e scelle appesantute
pe' tutta l'acqua ch'è caruta
e s'e' vanno a scrutullà.
Pure 'o cane d'a vicina,
tutto 'mbuso a miezz'à via,
15 aesce a dint'à 'nu purtone
e va a scavà dint'à munnezza,
ca' speranza ca coccheruno
oggi ha magnato 'na bistecca
o 'na gallina scaurata,
20 'o 'nu pere 'e porco
tuosto cumm'à 'nu pescone.
Finarmente è asciuto 'o solo,
lascio 'o 'mbrello dint'à 'nu zirro,
a muglierema dint'à cucina
25 e me ne vaco a passià!!!
[lirica inedita]
